Xurree ittiin seenan

Aabba Dabbasaa Guyyoo,Jaarsii Argaa-Dhageettii Beekamaan eegii Naayroobii dhabanii ji’a tahutti jira


Abbaa Liiban,Dabbasaa Guyyoo Fulbaana 27,2015 Naayroobii dhaban

Abbaa Liiban,Dabbasaa Guyyoo Fulbaana 27,2015 Naayroobii dhaban

Abbaan Liiban(Dabbasaa Guyyoo) Eezhiyaa, Amerikaa, Awurooppaa fi biyya akka akkaa irra maree Argaa-Dhageettii, seenaa fi Gadaa barsiisuun beekama.

Naayroobii keessaa mana barumsa aadaa fi seenaa itti barsiisan qaba.Abbaan Liiban jaarsa ganna 63.Taltallee, Yaaballotti guddatee ganna achii bahee Keenyaatti gale.

Ganna 35 caalaa Naayroobii jiraate achumatti ijoolleellee hore.Abbaa ijoollee jahaati.

Fulbaan 27,2015 Irreechaa 2015 Naayroobiitti qopheessan irra oolee galee manaa bahee achumaan dhaban jedhan.Du’aa fi jireennalleen barbaadii ittuma jira.

Nama hedduutti jaarsa kana marsaa inteneetii akka akkaa fb fi waan hedduu irratti jaarsa kana walaloo fi barreeffamaan waan hedduu jechuuniitti jira.

Mootii,(Takkaa_Dhiira Keessaa) akkana jettee Yuniversitii Hebriwu, Jerusaalem Israahel irraa aabbaa Dabbasaa walaloon faarsite.

Abbaan Liiban

Abbaa warraati

Abbaa karraati

Abbaa gosaati

Abbaa golaati

Abbaa lammiiti

Abbaa Darmiiti.

Mullata akka gaaraa
Barsiisa akka haadhaa

Wa beeka akka raagaa

Argee dhageessisaa

Dhagahee barsiisaa.

Aadaa fi Gadaa tenna

Amerikaa,Eezhiyaa

Awurooppaa irraan martee

Addunyaa waliin geette.

Aabba Abbaa Liiban
Galata gosaa qabdaa

Fagootti wa laalte

Duruu qaroo dhalatee

Eegree teenna agartee.

Diqqaa guddaatti sirraa baratee

Namuu ufii fi waan ufii beekee

Hubatee mamaa baafate.

Aabba Abbaan Liiban

Jaarsa Argaa-Dhageetii

Hardha guyyaan kankeetii.

Jabeenna dhiiraa

Wa sadiin beekan.

Abbaan Liban

Abbaa dheedaati

Abbaa reeraati

Janna guyyyaa lolaati

Qaroo guyyaa koraati

Tolaa guyyaa dhiphuuti.

Dabeessaan maluu didee

Daalleen malachuu didee.

Aabba Dabbasaa

Yoo jiraate si arganna
Yoo dhamnelle hin sabrinaa

Hujii teetiin si faarsinaa

Dhaloota dhufutti dabarsinaa.

Qaroomaa,eennummaa fi faaya Gadaa teenna

Dabballee,Gammee,Raabaa fi Gadaa taatee

Ganna 63 keessatti addunyaa barsiifte

Kuma hedduun dammassite

Ilmaa_Intala gudeedaatti dabarsite.

Namuu hujii teetiin si faarsaa

Maqaa jabaa jabeessaa

Aadaa fi seenaa innii jalqabe

Gabbisaa lachiisaa.

Mootii,(Takkaa_Dhiiraa Keessaa)

Hebrew university, Jerusalem, Israel

XS
SM
MD
LG