Xurree ittiin seenan

Dr. Mararaa Guddinaa Har’a Iddoo Lamatti Dhimmi Isaanii Ilaalamee Jira

  • Jaallannee Gammadaa

Dr. Mararaa Guddinaa

Mana murtii olaanaa kan Lidataa duratti har’a kan dhiyaate fi galmee Dr. Mararaa Guddinaa jalatti mootummaa garagalchuuf shiran, hojjatan akkasumas himatii yakkaa ka biroon kan irratti dhiyaate Dr. Biraanuu Naggaa, Obbo Jawaar Mahammed Televiziyoonni Isaat (ESAT) fi Oromiyaa midiyaa Neet Woork Gaazeexaa mootummaa Itiyoophiyaa kan ta’e Addis Zaman irratti beeksiisa maxxanfameen dhiyaatanii himata irratti dhiyaate akka falmatan gaafatee jira.

Abukaatoo Dr. Mararaa keessaa tokko kan ta’n Obbo Wandimmuu Ibsaa akka jedhanti Dr Mararaan kanneenti hidhata tokko waan hin qabneef jecha qophaatti akka ilaalamuuf gaafannee jedhan.murtii kennamees himatamtoonni ka biroon ykn bakka butoonni isaanii eega dhiyaatanii booda gara fuula duraatti kan ilaalamuu ta’a kan jedhu ta’u hubachiisan.

Dr Mararaan yeroo darbe wabiin gadhifamuuf iyyatti dhiyeessan fudhatama eega dhabee booda abukaatoon isaani mana murtii walii gala kan Federaalaatti ol-iyyannaa kan dhiyeeffate yoo ta’u kunis har’a waaree boodatti bellamamee kennee ture.Deebii argamees Wiixata dhufu abukaatoon dhufee deebii kennamu haa dhaga’uu ka jedhu ta’u Obbo Wandimmuu Ibsaa dubbatanii jiru.

Gabaasa guutuu kana cuqaasuun dhaggeeffadhaa

Yaada kenni

Yaada mul'isi

XS
SM
MD
LG