Xurree ittiin seenan

Hiriira Barattootaa Har’as Itti Furfee Oole, Jalqabaa Haga Ammaatti Sagal tu Ajjeesame, Jedhu Mormitoonni

  • Namoo Daandii

Hiriira Barattootaa

Hiriira Barattootaa

Hiriirri barattoota Oromoo Har’aa fi Kaleessa godinaalee Oromiyaa hedduu keessatti itti fufee ooluu isaa dubbatu jiraattonnii, hoogganoonni dhaabota mormituu fi barattoonni.

Kanneen hiriirawwan torban dabree fi san duraa irratti ajjeefamanii ala, Finca’aa, Ilfataa fi Ada’aa Bargaa dabalee bakkawwan birootti namoonni ajjeesamuu dubbatu, barreessaan Ko0ongiresa Biyyoolessaa Oromoo, Obbo Beqqelee Nagaa. Har’as, hiriirichi itti fufee, godinaa Gujii, oddoo Shaakkisoo, Shawaa Kibba-Lixaa, Waliisoo, Shawaa Lixaa, Jalduu, Horroo-Guduruu Wallggaa, Haratoo keessatti hiriirri mormii geggeessamuu isaa fi ennaa humnoonni mootummaa tarkaanfii fudhatan walitti-bu’insi uumamuu barattoonni fi jiraattonni naannoo nuuf ibsanii jiran.

Barreessaan Koongiresa Federaalawa Oromoo, Obbo Beqqelee Nagaa akka jedhanitti, eega hiriirichi jalqabamee kaasee haga ammaatti walumaa-galatti namoota sagal tu ajjeesame. Kanneen reebamanii madaawan, kanneen hidhamanii fi achii buuteen isaanii dhabame dhibbaan lakkaawama, jedhu.

XS
SM
MD
LG