Guyyoota hanga tokko dura yabala xiqqoo keessatti reeffa namootaa waliin kan argame lammiin Itiyoopiyaa tokko koolu galtoonni isa waliin turan namoonni hanqina nyaataa fi biyaaniin dhumuu isaanii ibse. Kanneen du’an keessaa lamiiwwan Itiyoophiyaa jiraachuu illee dubbatee jira.
Kan umuriin isaa waggaa 38 Mohammed Adam Aaga yabala xiqqoo galaana Mediteraaniyaan irra tute tokko irraa hojjettoota baraarsaan kan argame Kibxata darbe ture.
Raayyaan waraana Maaltaa Mohammed yabala sana irra koolu gala ka biroo lubbuun darbe cina jilbeenfatee utuu jiru suraa agarsiisu erga raasee booda dhimmi isaa guyyoota hedduuf mata duree marii ta’ee ture.
Mohammed haala hamtuu keessa kan ture yoo ta’u erga hospitaala Maaltaatti geeffamee booda lubbuun ooluu danda’eera.
