Xurree ittiin seenan

Breaking News

Wal Ga’iin Ogeessotaa Gaanfa Afriikaa Eertraatti Geggeessamaa Ture Xumurame


Walitti makamuu godinaatiif carraa haaraa uumuu mata duree jedhuun magaalaa Asmaraa keessatti guyyoota sadiif geggeessamaa kan ture wal ga’ii 23ffaan ogeessota IGAD kan Afriikaa bahaa karoora hojii lafa kaa’achuu dhaan har’a xumuramee jira. 

Wal ga’iin kun kan qophaa’e komiishina dinagdee Afriikaan yoo ta’u bakka bu’oonni biyyoota Afriikaa irraa dhufan 250 ta’an irratti hirmaataniiru.

Wal ga’ii kana irratti gaanfa Afriikaa keessatti guddina waarinsa qabu mirkaneessuu godinicha keessatti guddina tuurizimii, bu’uura misoomaa fi enerjii dagaagsuu, gaanfa Afriikaa keessatti godinaa daldala walabaa akka saffisu gochuu fi galaanatti fayyadamuu dhaan godinaa sana walitti fiduu fi carraa hojii banuuf walitti dhufeenya cimsuu waraqaaleen qorannaa dhiyaatanii marii bal’aan geggeessameera.

Hayyoonni irratti argamanis wal ga’iin kun walitti bu’iinsi daangaa Eertraa fi Itiyoophiyaa gidduu yeroo furmaata argataa dhufetti geggeessamuun isaa yeroo sirritti ta’uu ibsanii nageenyi guddina dinagdeef bnu’uura waan ta’eef walitti dhufeenyi kun murteessaa dha jedhan.

Yaada kenni

XS
SM
MD
LG