WAASHINGITAN, DIISII —
Namoota sababaa weerara vaayrasii koronaan kan ka'e hojii dhaabaniif gargaarsa kennamuu qabu irratti dubbachuuf jecha marsaa sadaffaaf har'a wal argan.
Ministeerri maallaqaa kan Yunaaytid Isteetes Stiveen Manuchiin marii sa'atii tokkoo fi walakkaa booda Kibxata kaleessaa akka ibsanti kaayyoon keenya guyyoota dhufan kana keessatti yaada dhiyaatan xumuruun torban dhufu kongreesnii sagalee akka irratti kennu gochuu dha.
Waliigalteen hangii tokko jiraatuus dhimmootii akkaan barbaachisoo ta'an irratti waliigaltee irraa fagoo jirra jechuun bakka buutonni Demokraatootaa kanneen walgahii kana irratti dhiyaatan beeksisanii jiru.
