Embaasiin Yunaayitid Isteets Itiyoophiyaatti argamuu tarkaanifiin Mootummaan Itiyoophiyyaa gabaasaa ze ikonoomist Tom Gaardner irratti fudhate akka isaa gaddisiisee ibsee jira.
Ibsii embaasichaa irraa bahee akka jedhetti gaazexeessonni hunduu namuusa hojiin isaanii eeggatanii sodaachisaaf adabbii malee saba tajaajiluu qabu jedheera. Itti dabaluudhaans gaazexessonni Itiyoophiyaa keessa jiran hojii isaanii soda, dhorkaa fi hidhaa seeraan alaa irraa bilisa ta’anii hojjachuudhaaf mirgii isaanii akka eegamuu ni deggerra jedheera.
Caamsaa 13,2022 eeyyaama hojii gaazexessummaa Itiyoophiyaa keessatti ittin socho’aa ture erga jalaa haqamee boodaa akka biyaa bahu kan taasifamee gaazexeessaa Tom Gaardner ilaalichisee ibsa kan baase Ze Ikonoomist, himannaa mootummaan Itiyoophiyaa gabaasaa isaa irratti dhiheese dhugaa akka hin tane ibsee gochichaa balaalefachuun isaa beekameera.
