Dippiloomaatiin Raashiyaa gameessi, Booriis Bondaareev jalqaba torban kanaa irra waraansa biyyi isaanii Yukireen irratti geggeessitutti qaana’anii taayitaa gad-lakkisuu isaanii beeksisan.
Kan umuriin waggaa afurtamii lamaa fi waggoota digdamaaf hojii dippiloomaasii Raashiyaa irra turan – Boondaareev biyya isaanii bakka-bu’uudhaan Tokkummaa Mootummootaa keessaa hojjetaa turan.
Taayitaa isaanii gad-lakkisuu isaanii kan ittiin beeksisan – xalayaa Feesbuukii irratti maxxansan keessatti, “umurii koo guutuu keessatti akka Guraandhala digdamii afurii - yeroo Raashiyaan jalqaba Yukireen irratti waraansa geggeessitee jechuu isaanii ti- biyya kootti qaana’ee hin beeku,” – jedhan – Boondaareev.
