Pirezidaantiin duraanii Doonaald Traamp erga aangoo gadhiisanii yeroo jalqabaaf gara Waashingitanitti deebi’aa jiru. Kibxata har’aa halkan michoota isaanii marsaa lammaffaaf ajandaa qopheessaa turan duratti dhiyaachuun haasaa imaammataa dhageessisuuf jiru.
Traamp gumii ajandaa Ameerikaan haa dursitu jedhu kan guyyoota lamaaf gaggeeffamu waaltaa “America First Policy Institute” irratti haasaa dhageessisuuf jiru.
Gorsitoonni tokko tokko duula filannoo kan bara 2024 irratti hirmaachuu labsuuf yeroo qophaa’aa jiranitti yeroo baay’ee waa’ee mul’ata gara fuula duraa dubbachuu malee filannoo bara 2020 irra deebi’anii falmuuf yeroo hagas akka hin fudhanne gaafachaa jiru.
Filannoo bara 2024 mromituu isaanii ta’uu malu kan jedhaman Itti aanaa pirezidaantii duraanii Maayik Peens dabalatee morkattoonni isaanii sadarkaa Tiraamp akka ulaagaa Ripaablikaanotaa itti qaban mormuuf tarkaanfii ifa ta’e fudhachaa jiru.
Forum