Angawooni Somaaliyaa waaltaa akka jedhanitti, haleellaa samii irraan Yunaayitid Isteetis hidhattoota al-Shabab irratti raawwatte loltoota 14 ajjeesuu isaaf ji’oottan keessatti haleellaa lubbuu galaafate kan garee shororkeessaa kana irratti raawwatame ta’uun ibsameera jechuu dhaan Mohaammad Dhaaysanee Somaaliyaa magaalaa Moqdishoo irraa gabaase.
Haleellaan samii irraan garee hidhattoota Islaamummaa al-Qaayidaa waliin hidhata qabu Al-Shabab irratti fuuleffate Dilbata naannoo giddu-galeessa Somaaliyaa Hiraanitti raawwatamee jira. Angawoonni onni waraanaa achi jiran kanneen VOA waliin bilbilaan dubbatan, haleellaan kun loltoota al-Shabab 14 ajjeesuu himaniiru.
Haleellaan samii irraan geggeessame kun loltoota Somaaliyaa al-Shabab irratti duula gaggeessaa turan deeggaruuf jecha kan waraanni U.S. geggeesse ta’uu ibsaniiru.
Forum