Daandiin balalii Itiyoophiyaa Kaartuum irraa gara Finfinneetti xayyaara imaltootaa balal’iaa ture waliin rakkoo wal qabateen miseensonni balalii sanaa hojii irraa ugguramuu beeksisee jira.
Daandiin balalii Itiyoophiyaa dhimma kana ilaalcisee ibsa baaseen, Wixata darbe kaartuum irraa ka’ee gara Finfinneetti balal’iaa kan ture xayyaarri daandii balalii lakkoobsi isaa ET343, hariiroo inni waaltaa to’annaa tiraafikii balalii waliin ture adda cituu isaa ragaan agarsiisu isa dhaqqabuu isaa beeksisee jira.
Xayyaarichi quunnamtiin waaltaa to’annaa traafikii blalii Finfinnee jiru waliin erga sirraa’ee booda nagaan qubachuu isaa ibsee jira.
Rakkoo sanaan wal qabatee hojjettoonni balalii xayyaara sana keessa turan hojii irraa ugguramanii qorannaan geggeessamaa jira jedhee jira. Akka ba’iin qorannaa beeksisamu bu’uura godhacuu dhaan tarkaanfii barbaachisu kan fudhatu ta’uu daandiin balalii beeksisee jira. Nageenya imaltootaa eegsisuun kan inni dursa kennuuf ta’uu isaaf kanas cimsee kan itti fufu ta’uu mirkaneessee jira jechuun Faanaan gabaasee jira.
Forum