Eega deebi’ee jalqabee guyyaa 13ffaa kan qabatee jiru waraansi Itiyoophiyaa gama Kaabaa akkuma itti fufee jira. Kanneen Sagaleen Ameerikaa dubbise jiraattonni naannoolee Saqoxaa, Umaraa fi Wal-qaayit, bakkawwan isaan jiran irraa fagoo dhaa sagaleen meeshaalee guguddaa akka dhaga’amu dubbatan. Babal’achuu lola sanaaf yeroo gareeleen lamaan wal-yakkaa jiranitti, akka waraansichi dhaabatee, nagaan bu’u waamichi hedduun dhihaataa jira.
Jilli Prezidaantii Yunaayitid Isteetis – Joo Baayiden, ka Gaanfa Afrikaa – Ambaasaaddar Maayik Hamar, sanbattan dabran akka gara Gaanfa Afrikaatti qajeelan kan ibsame taheyyuu, Ambaasaddarichi Itiyoophiyaa dhaqqabuu isaanii fi dhaqqabuu-dhaba isaanii ilaalchisee hanga gabaasaan kun qindaa’etti waan beekame hin jiru.
Forum