Naannoo Amaaraa godina walloo kaabaa keessatti dhuka’aan lafa jalatti hafee jiru namoota hedduuf yaaddoo ta’ee jira.
Akka angawoonni naannoo jedhanitti keessumaa kaaba Itiyoophiyaatti Hagayya 24 waraanni erga deebi’ee ka’ee booda, naannolee wal waraansi hamaan itti geggeeffame keessa lammiiwwan jiraatan jireenyi isaanii balaa keessa jira.
Itti gaafatamaan ajaja poolisii godina Walloo kaabaa komaander Temesgeen Biresaaw VOAf akka ibsanitti magaalaa Qobboo keessatti kan argamu keellaa mana jireenyaa tokko keessatti boombiin waan dho’eef, angawaan naannoo tokko yoo du’an jiraattonni ka biroon afur madaa’aniiru.
Komaanderichi akka jedhanitti dhukaatonni hafanii jiran hojii qonnaa irra dhiibbaa geessiaa jiru. Qonnaan bultoonni hangi tokko lubbuu isaaniif sodaachuu dhaan hojii qonnaa irraa of qusataa jiru jedhan jechuu dhaan Mesfin Arraagee gabaaseera.
Forum