Yunaayitid Isteets garee al-Qaayidaa Somaaliyaa jiru irratti lola ishee babal’isaa jirti, haleellaa diroonii fi gorsa waraanaa humnoota U.S. lafarra jiran irraa qoqqobbii haaraa, bal’aa dabaltee jirti.
Ministeerri Maallaqaa Wixata kaleessaa qoqqobbii hoggantoota olaanoo al-Shabab afur akkasumas hojjettoota 10 irratti fuuleffate ifoomseera, martinuu neetworkii maallaqa walitti qabuu, loltoota bobbaasuu fi meeshaa waraanaa bituu keessatti kanneen qooda ijoo qaban ta’uun isaanii ibsameera.
Akka Yunaayitid Isteetis jettutti, neetworkiin kontirobaandii kun dhaabbilee kan mootummaa hin ta’in dabalatee maddeen adda addaa irraa maallaqa argachuun al-Shabab waggaatti tilmaamaan doolaara miiliyoona 100 akka maddisiisu gargaareera, kunis guddinaa fi dandeettii garee shororkeessaa kanaa cimsuuf gargaareera.
Ministriin maallaqaa Yunaayitid Isteets hoggantoota ijoo keessaa tokko Abdullaahii Jeeri, hogganaa bittaa meeshaa waraanaa al-Shabab jechuun adda baasee jira.
Forum