Filannoo pirezidaantii Yunaaytid Isteetiskan kan bara 2020 wal qabatee dhimmi gonkumaa hin xumuramnee keessaa boqonnaan tokko Wiixata xumuramuutti jira.
Koreen kongireesii jeequmsa bara darbe Guraandhala 6 mana maree Yunaaytid Isteetis keessatti mudate qorate akkaataa Pirezidaantiin duraanii Doonaald Tiraamp erga Joo Baaydeniin injifatamanii booda, waayit Haawus keessaa turuuf jecha attamititi himachuuf akka yaalan irratti madaallii ummataa isa dhumaa dhiyeessee jira.
Gareen mana maree bakka bu’oota uummataa qorannoo ji’oota 16f gaggeessee kan gaaffiifi deebii ragaalee 1,000 ol of keessaa qabu, galmeelee fuula kumaatamaan lakkaa’aman kanneen torban dhumaa pirezidaantummaa Tiraamp waggaa afuriin walqabatan qorachuu fi yakka ilaalacha dhaddacha ummataa 10 kan nama hawwatu of keessatti hammate qaba.
Kunis Tiraamp fi hiriyyoonni prezidaantichatti dhiyeenya qaban “yaalii fonqolcha mootummaa” irratti bobba’aniiru kan jedhu xumuura itti tolchuuf deema.
Koreen kun Dimookiraatota torbaa fi paartii Rippabilikaanotaa irraa kan farra Tiraamp ta’uun sagalee guddaa qaban lama of keessaa qaba.
Forum