Imaltoonni bulchiinsa naannoo Amaaraa irraa ka’anii gara Finfinneetti imalaa turan, Finfinnee akka hin seenne dhorkamne jechuun komee dubbatan.
Imaltoonni kun RSAf akka ibsanti, kan daangaa bulchiinsa naannoo Amaaraa fi Oromiyaa irra jirtu Gohaa Tsiyoon yeroo ga’an kanneen Yunifoormii humna addaa Oromiyaa uffatan akka deebiinu taasiisan jedhan
Guraandhala 2 fi 3 bara 2015 imaltoonni waraqaa eenyummaa bulchiinsa naannoo Amaaraa qaban adda baasuun deebisaa akka turanfi Jimaata dabree kaasee garu, imaltonni hundumtuu dhorkamuu dubbatan.
Yeroo ammaa imaltoonni hedduun magaalaa Dajan keessatti rakkataa akka jiran ibsan.
Dhimma kana irratti deebii mootummaa Feedeeraalaa argachuuf yaaliin taasiifne hin milkoofne. Garu waajiira bulchiinsaa fi nageenyaa kan Oromiyaaf itti aanaa itti gaafatamaa kan ta’an Kolooneel Abbabaa Garasuu karaan cufamee hin jiru jechuun deebii gabaabaa eega kennanii booda bilbiila cufuu isaanii Asteer Misgaanaaw Baahir Daar irraa gabaastee jirti.
Forum