Wixata Guraadhandhala 14 Yaballi andaara galaana Liibiyaa geesse tokko cabuu isheetti aansee yoo xiqqaate godaantonni 73 achi buuteen dhabamuu fi du’uu Liibiyaatti kan argamu dhabbati godaantotaa addunyaa IOM fuula twiitera isaa irratti roobii kaleessaa barreessee jira.
Tirippoolii gama bahaatti kan argamtu Qaasir Alkaayaar irraa ka’anii gara Awrooppaatti deemaa turan kan jedhame namoota 80tti hedaman yabala feete irraa namoonni lubbuun hafan torba andaara galaanaa dhaqqabuu danda’aniiru jechuun IOM beekssee jira.
Hanga ammaatti reeffi namaa 11 baatii diimaa fi poolisii naannoon kan argame yoo ta’u, namoonni lubbuun hafan torban hospitaalatti geessamuu isaanii godaantota kun ibseera.
Liibiyaan karaa godaantonni Awrooppaa dhaqqabuuf gammoojjii fi galaana mediteraaniyaan qaxxaamuranii imala balaa qabu geggeessan isa ijoo taatee jirti.
Forum