Somaaliyaa kibba kutaa Geedoo bakka Bardheer jedhamuutti balaa Boombii balleessanii baduu Qibxataa har’aa qaqqabeen namoonii du’anii, kaan immoo maadaa’uu isaanii jiraattonii VOA ti himaniiru.
Balaa bakkaa haanga’oonni bulchiinsaa naannoo walgahii taa’anitti qaqqabee Kanaan loltoonii mootummaa lama ajjeefamanii namoonii lakkoofsiin isaanii yeroodhaaf addan bahee hin beekamne immoo madaa’uu isaanii jiraatoonii sagalee Amerikaafiif ibsaniiru.
Gareen Hidhattootaa Somaaliya keessa Sochoo’aa jiru Al shabaab boombii konkola’ataa irraa dhooheen haleelichaa raawwachuu isaa ibsee, haanga’ootaa muutummaa walgahii taa’anii wa’ee sochii duulaa dhaabicha irratti taasifamuu maryachaa turan irratti tarkaanifii fudhachuu isaa karaa fuula Telegiraamiitiin odeeffannoo dabarseen beeksiseera.
Ji’a hagayyaa bara darbee kaasee dhiibbaa sadarkaa haawaasaatti taasifameen gareen Al shabaab lafaa duraan qabate hedduu kan dhabee yemuu ta’u, dhiibaa sana aaloo bahuudhaaf jedcha magaalotaa , hoggantootaa gosaa fi milishootaa naannoo irratti xiyyeefachuudhaan haleellaa adda addaa raawwachaa jira.
Guraandala 21 magaalaa moqaadishoo keessatti bakkaa umnoottan mootummaa gargaaranfi lola irratti madaa’an itti waldhanamaa jiran irratti Al Shabaab tarkaanifi fudhachuudhaan namoottan 10 kan ajjeesera. Bitootessaa 7,2023 immoo buufata waraanaa, Jaanaa kabdaallee jedhamuuf bakka magaalaa Kisimaayyoo irraa Kiiloomeetrii 60 fagaatu irratti haleelaa raayyachuudhaan yoo yarate loltoota Shan ajjeesuun isaa ibsameera.
Forum