Pirezidaantiin Maalaawii Kibxata darbe erga obomboleettiin Fireedii biyya kibba baha Afrikaa kana rukutee lolaa fi lafti fottoqee kanneen dhibbaan lakkaa’aman galaafate booda “balaa biyyoolessaa” dhaqqa e furuuf deeggarsa addunyaaf iyyataniiru.
Obomboleettiin kun dhuma torbanii irra torban sadii yeroo hin guunne keessatti yeroo lammataaf gara andaara galaanaa Afrikaatti deebi’ee du’aa fi manca’uu qabeenyaa kan dhaqqabsiise yoo ta’u, Maalaawii garuu yeroo jalqabaaf mudate.
Pirezidaant Laazaar Chaakweeraa gadda biyyoolessaa torban lamaaf labsuu dhaan, “Sadarkaan gaaga’ama asitti nu mudachaa jirru qabeenya nu harka jiru caalaa guddaa dha,” jedhan.
Mootummaan lammiilee Maalaawwii kuma kurnaan lakkaa’aman kanneen obomboleettii kanaan miidhaman gargaaruuf kuwaachaa biiliyoona 1.6 (Doolaara miiliyoona 1.5) gumaachuuf waadaa galeera. Angawoonni akka jedhanitti biyyattii keessaa yoo xiqqaate namoonni 225 yoo du’an kanneen biroon dhibbaan laka’aman immoo madaa’aniiru.
Obomboleettiin Firedii jedhamu biyyattii fi gara biyya Hollaa Moozaambikitti ce’ee lolaa fi lafti fottoqee biyyoota lamaan irraa namoota 290tti kan hedaman yoo du’an, kutaa kibba Maalaawii keessumaa magaalaa daldalaa ijoo Bilaantaayir fi naannoo isheetii gareen baraarsaa namoota lubbuun hafan barbaaduuf yaalii gochaa jiran.
namoota lubbuun hafan kutaalee kibba Maalaawii, irra caalaan isaanii naannoo magaalaa guddoo daldalaa Blantiree keessa jiran dhaqqabuuf wal-waraananii, erga Freddy biyyattii fi ollaa Moozaambiik cabsee lolaa fi sigiga lafaa uumuun biyyoota lamaan keessatti namoota gara 290 galaafate booda.
Forum