Dhaabbata mootummoota gamtoomaniitti waajjiri qindeessaa dhimmaa gargaarsa namoomaa ykn OCHAn akka ibsetti Magaalaa akaakuu namaa hedduu qabu Beledweyiin keessaa namoottan balaa lolaa kanaan qe’ee isaanii irraa buqa’an 219,000 dabalatee namoottan 460,000 ol ta’an irra midhaan qaqqabeera.
Bishaan guutee dhangala’ee jiru kun, hosipitaala gudicha magaalichaa dabalatee, waajjiraaree mootummaa fi jarmiyaawwan tajaajila hawaasaatif barbaachisaa ta’an akka cufaman dirqisiisuun isaa gabaasameera.
Jiraatan magaalichaa tokko akka madda oduu Assooshiyeetti Prees/ AP ti himanitti, baayinni bishaanichaa fi midhaan inn geessise seenaa magaalichaa keessatti waan argamee hin beekneedha. Haalii lolochaa itti fufa taanaan dhibeen koleeraa fi Busaa umamuu danda’a jechuudhaan jiraattonni magaalichaa akk soda qaban APn gabaaseera.
Forum