Kaartuma Gama Lixaa, Omdurmaan Keessatti Har'a Wal-Waraansa Cimaatu Geggeessame

Humni Waraanaa Sudaan karaa gargarsi humnoota waraanaa humna addaa jedhaman kan Mohaammad Hamdaan Dagalooniin hoogamanitti cufuuf yaaluus magaala guddittii Kaahaartuum dabalatee ammayyuu waraanni hammaachuu jiraattoonni himan. Humni Waraanaa Sudaan haleellaa xiyyaaraa fi meeshaalee waraanaa gurguddoo fayyadamaa jiras jedhan namoonni ijaan argine jedhan.

Magaalaa Omdurmaan kessatti humnoonni waranaa RSF jedhaman kan moohhaammad Hamdaan Dagaloon hoogganaman xiyyaara waraanaa haleelanii lafaan dhahuu jiraattoonni viidiyoo gadhiisaniin argameera. Gama humna Waraanaa Sudaaniin hanga ammaatti dhimma kanarratti waan jedhame hin jiru.

Akka jiraattonni jedhanitti wal waraansii fi halleellaan Kibxata kaleessaa Omdurmaanitti taasifame waraana guddaa isa torbaan kanaa akka ta’edha.

Wal waraansi Sudaan keessaa Eebla 15, bara 2023 kan jalqabe magaaloota keessatti kan taasifamu ta’uu isaatiin lubbuu laammiilee biyyattii hedduu galaafachuu, fi namoonni miiliyoonotaan lakkaa’aman qe’ee isaanii gadhiisanii akka godaananiif sababa ta’eera.