Kan hokkaraan raafamaa jjritu Koongoo Bahaa keessatti Milishoonni lafa dhuunfachuu waan itti fuufaniif jecha, Afrikaa Kibbaa waliin waliigaltee nageenyaa mallatteessuuf karoorfachuu isaanii Pirezidaantiin Koongoo Feeliks Tishiisekediin Kamisa kaleessaa ibsaniiru.
Pirezidaantii Afrikaa Kibbaa Siiriil Raamaafoosaa waliin, magaalaa Kinshaasaa keessatti ibsa gaazexeessitootaaf kennaniin, waliigalteen kun bifa waliigaltee wal-irraa ittisuu qabaachuu akka danda’u Tishiiskeediin ibsaniiru.
Pirezidaantiin Koongoo akka jedhanti, waliigaltee wal-irraa ittisaa Hawaasni Misooma Afrikaa gama Kibbaa akka moodeelaa ykn fakkeenyaatti kan fakkaachuu danda’uu ta’u ibsaniiru, Garu bal’inaan hin ibsiine.''Guyyoota ykn torbanoota dhufan keessatti caalaatti ni beekna,'' jedhan Tshisekedi.
Rippabilikni Dimookiraatawaa Koongoo fi Afrikaan Kibbaa lameenuu miseensota biyyoota 16 Hawaasni Misooma Afrikaa gama Kibbaa kan ti.
Raamaafoosaan gama isaaniitiin, Rippabilikni Dimookiraatawaa Koongoo, nageenya dhabuu fi hiyyummaa ittisuu akka dandeessuuf, gargaaruu akka itti fufan waadaa galaniiru.
Forum