Wal waraansa Sudaan keessatti Ji’a Eebilaa irraa jalqabee hanga ammaatti jirutti furmaata arguuf hoggantoonni Sudaanirraa fi biyyoota Ollaa Ja’aa irraa Masiriitti kamisa har’aa yaa’ii jalqabaniiru.
Yaa’iin Pireezidaantii Masirii Abdel Fattaah Al-siisiin hoogganamu kana irratti hooggantoonni biyyoota Itiyoophiyaa, Sudaan Kibbaa, Chaad, Eriitiriyaa Waaltaa Rippaabulika Afiriikaa fi Liibiyaa irratti argamaniiru.
Wal waraansichi karaa nagaa akka furamuuf kanaan dura wal ta’insa Saa’ud Arabiyaa fi Yuunaayitid Isteetsiin Magaalaa Jiddaah keessatti taa’amee kan ture qaamoonni lamaan yeroof waraana dhaabuuf walii galaniyyuu waraanni osoo hin dhaabbatiin hafee hanga ammaayyuu itti fufeera. Akkasumas dhiyeenya karaa biyyoota miseensota IGAD dura taa’ummaa Pireezidaantii Keeniyaan Finfinneetti yaa’ii taa’ame gareen humna waraanaa Sudaan kan Abdel Fattaah Al-burahaaniin hoogganamu Wiiliyaam Ruuttoo pireezidaantiin Keeniyaa garee humna waraanaa RSF-f looga jechuun kufaa taasisaniiru.
Forum