Dhiibbaa Qoqqoobbii Addunyaa fi Weerara Kiiviid 19 dandamachuun walakkaa bara 2023 kanarratti daldalli Raashiyaa fi Afiriikaa gidduu dhibeentaa 35 tti siiqeera jedhan Pireezidaantiin Raashiyaa Vilaadimir Puutiin.
Puutiin kana kan dubbatan wayita dura ta’aa gamtaa Afrikaa fi Pirizidaantii Komooroos Azaalii Asomaani fi dura taa’aa Komishinii Gamtaa Afirikaa Muusafakii maahaammat waliin marii’atanidha. Bara darbe kana daladdalli Raashiyaan BIyyoota Afiriikaa waliin taasifte doolaara Biiliyoona 18 akka ture ibsanii walakkeessa bara kanaattimmoo dhibbeentaa 35 irra ga’eera jedhan. Kunis qoqqobbii biyyoonni addunyaa nurra kaa’anii fi weerara Koovid 19 dandamanneeti jedhan. Itti dabaluunis Raashiyaan Biyyoota Afirikaaf miidhaan Nyaataa dhiyyeessuu amanummaan akka itti fuftuu fi Raashiyaan bara 2022tti meeshaalee gara biyyoota Alaatti ergiteetturraa doolara biiliyoona 4.7 argachuu ishees eeraniiru.
Pireziidaantiin Komoroosii fi dura taa’aan gamtaa Afiriikaa Azaalii Asoomaan wayita Puutiin waliin dubbatanitti haala Raashiyaa fi Yuukireen keessa jirurraa ija kaasuu hin dandeenyu sababiin isaas biyyoonni lamaanuu warra nu waliin hariiroo qabanii fi sababaa wal wraansa biyyoota kana lamaaniin Adduynaan marti ni miidhama keessumaa Afiiriikaan jedhan.
Hooggntoonni biyyoota Afiriikaa hangi tokko yaa’ii Raashiyaatti Pireezidaantiin raashiyaa Puutiin waaman irratti hirmaachuuf Raashiyaa galaniiru. Raashiyaan yeroo waraana Yuukireen waliin taasisaa jirtu kanatti michummaa biyyoota Afiriikaa barbaacha hooggantoota biyyootaa kan waamte yommuu ta’u biyyoonni Lixaa hooggantoonni biyyoota Afiriikaa yaa’ii kanarratti akka hin hirmaanneef dhiibbaa irratti taasisaniirtu jechuun himatteetti.
Forum