Kibxata darbe naannoo Amaaraa Walloo kaabaa aanaa Qobboo keessatti humnoota mootummaa fi hidhattoota Faannoo gidduutti walitti bu’iinsa deebi’ee ka’een namoonni lama ajjeefamuun ibsamee jira.
Jiraattonni naannoo kanneen ijaan argan Sagalee Ameerikaaf akka ibsanitti, walitti bu’iinsa sanatti aansee Sambata darbee eegalee manneen daldalaa fi waajjiraaleen mootummaa hanga Wixtata har’aatti cufamanii jiran.
Gama biraan naannoo dhuma sana godinaalee Goojjam dhiyaa fi bahaa keessatti humnoota nageenya mootummaaf hidhattoota faannoo gidduutti itti fufee jiru irraan kan ka’e cufamanii kan turan tajaajilli bilibilaa sambata darbe walakkeessa halkanii qabee banamuu jiraattonni naannoo dubbataniiru.
Tajaajilli bilbibilaa adda citee kan ture torbanneen sadiif ta’uu kan ibsan jiraattonni kun, bajaajjii magaalaa keessaa irraan kan hafe tajaajilli taaksiis ta’e kan jeejjiba kutaa biyyaa hin jalqabamin jira jedhan. Har’a baniinsa bara hojii 3ffaa kan manneen maree lamaanii ja’affaa irratti haasaa kan dhageessisan prezidaant Saahilewerq Zewudee walitti bu’iinsa naannoo Amaaraa keessaa kallattiin maqaa dha’uu baatanis, adda adummaa jiru karaa nagaa hiikuun barbaachisaa akka ta’e ibsaniiru.
Forum