Ministirri Muummee Itiyoophiyaa Abiyyi Ahimad har’a guyyaa agarsiisa humna waraanaa waggaa 116ffaa Finfinneetti kabajame irratti dubbii dubbataniin Itiyoophiyaan dantaa ishee karaa waraanaa kabajachiifattu hin jiru jedhan.
Abiyyi Ahimad kanaan dura dubbii dubbatanii karaa sabaa himaalee biyya keessaan tamsa’een Itiyoophgiyaan hulaa galaanaa barbaaddi jedhanii dubbataniin galaana diimaa humnaan qabachuuf deemti kan jedhi sodaa naannichatti waraanni ka’aa uumee jiru kanaaf deebii yommuu kennanidhas jedhameera.
Nagaadhaan waliin jiraachuuf yoo karoorfanne karaa madaalawaa ta’een walirraa qooaddachuu barbaaduu qabna. Waanti ani isiniif mirkaneessuu barbaadu garuu Itiyoophiyaan dantaa fi fedhii ishee karaa waraanaa taasiftu hin jiru jedhaniiru. Itiyoophiyaan moo’amtee hin beektu gara fuula duraattis hin moo’amtu kan jedhan Abiyyi dubbii isaanii har’aa keessatti ,biyya kamiyyuus weeraartee hin beektu gara fuula duraattis hin weerartu jechuun ibsaniiru.
Forum