Lolli Israa’elii fi Hamaas gidduutti taasifamaa jiruu akka dhaabatu sagalee kenuudhaaf jechaa dhaabanni mootumoota gamtoomanii yaa’ii waliigalaa kan atattamaa waamee jira.
Yaa’ii waliigalaa qibxa har’aa waamee Gaazaa keessatti haala gargaarsaa namoomaa mijeesuudhaaf jecha, akka dhukaasnii dhaabbatu yaada dhihaate irratti marii taasisuudhaaf akka ta’e ibsamee jira.
Seerri mariidhaaf qophaa’e siviilotaa lammii Palastaayinii fi lammii Israa’eel gaazaa keessa jiraatan warren sababa walwaraansaatin dararamaa jiranif akkaataa seera adduunyaatiin eegumsaa fi gargaarsaa taasisuu danda’amu irratti akka ta’e ibsameera.
Torban darbee keessaa serri yaada walfakaataa qabu mana maree nageenyaa dhaabbata mootumoota gamtoomanii irratti dhihaatee Yunaayitid Isteets fudhachuu diduu isheetiin kan ka’e kufuun isaa ni yaadatama.
Yemmuu yaa’in mootumoota gamtoomanii taasifamuuf jiru kanatti, haleelaa xiyyaara waraanaa dabalatee walakeessaa fi kibba gaazaa keessatti lolli cimaan itti fufee akka jiru ibsameera.
waraanni israa’el haleellaan xiyyaaraa taasifamaa jiru kan irratti xiyyeeffate bakkaawan rookeetonii irra furguganu ta’uu isaa ibsee, sakata’insaa boolaa lafa jalaa keessatti taasifameen rookeetii 250
moortaarota fi boombiiwwan adda addaa argachuusaa isa akka beeksise gabaasameera.
Forum