Humnoonni Israa’el Kamisa har’a haleellaa qilleensa irraa dabalataa Gaazaa irratti kan gaggeessan yoo ta’u, kunis daawwannaa qondaalli olaanaa masaraa Waayit Haawus gamasitti karoorfatan durseetu.
waraana Israa’el haleellaa marsaa itti aanuu Hamas irratti geggeessuu fi tattaaffii namoota nagaa Falasxiin lola kana keessatti danqaman haala gaariin eeguuf yaalii taasiftu irratti mari’achuuf daawwannaa kana karoorfatan
Dubbi himaan Mana Maree Nageenya Biyyoolessaa Waayit Haawus Joon Kirbii gaazexeessitootaaf akka himanitti, gorsaan nageenya biyyoolessaa Waayit Haawus Jake Sullivan marii Kamisaa fi Jimaata Israa’el keessatti taasifamu fayyadamuun, duula gaggeeffamuu kun kallattiin waan akkeekamee irratti qofa kan qiyyaafatee fi caalaatti sirrii ta’uu akka qabu kan dubbatan ta’u ibsan.
“Sun kaayyoo keenya, lammiwwan israa’eliifis kaayyoo isaaniit, garuu bu’aa isaatu lakkaa’ama,” jedhan Kirbiin.
Kana malees Sullivan, waamicha Amerikaan Israa’el gargaarsi namoomaa karaa qaxxaamuraa Kerem Shalom Gaazaa akka seenu akka hayyamtu gaafattee irratti mari’achuuf karoorfatanii jiru.
Sunis gargaarsaa amma jiru kan qaxxaamuraa Raafaa qofa keessa darbu ni babal’isa. Israa’el torban kana fe’umsa gargaarsaa Kerem Shalom irratti sakatta’iinsa eegalte, garuu waan ergamaa jiru sun ammallee gara Rafah deemuu qaba.
Forum