Naannoo Oromiyaa godinaalee gara garaa rakkoo naageenya qabaan keessatti weerara dhibee gifiraa mudate to'achuudhaaf hojjetamaa akka jiru Biiroon Fayyaa Oromiyaa ibseera. Naannichatti godinaalee 7 fi bulchiinsa magaalaa tokko keessatti bifa duulaan talaalliin dhibee gifiraa kennamaa akka jiru qindeessaan talaallii biiroo fayyaa Oromiyaa obbo Baqqaanaa Toleeraa Sagalee Ameerikaatti himanii jiru. Jiraattonni godinaalee Qellam wallaggaa fi Arsii lixaa irraa Sagalee Ameerikaaf yaada kennan akka jedhanitti talaalliin kennamaa jiru gahaa miti,lakkoofsi daa'imman dhibee kanaan miidhamaniis hedduu dha jechuun ibsaniiru. Akka ragaan biiroo fayyaa Oromiyaa irraa argame ibsutti namoonni 7800 ol dhibee kanaan qabamaniiru.
Forum