Xurree ittiin seenan

Breaking News

Chaayinaan Tajaajila Hojii fi Suphaa Daandii Baaburaa Itoophiyaa-Jibuutii Kennitu Ifatti xumurtee Jirti


FAAYILII - Pirezdaantii Chaayinaa Shi Jinpiingi fi Muummee Ministiraa Itoophiyaa Abiyyi Ahimad, Beejing, Fulb. 2, 2018.
FAAYILII - Pirezdaantii Chaayinaa Shi Jinpiingi fi Muummee Ministiraa Itoophiyaa Abiyyi Ahimad, Beejing, Fulb. 2, 2018.

Daandiin Baaburaa Chaayinaan ijaaramee “Itoophiyaa-Jibuutii” jedhamu Jimaata darbe hojii daldalaa waggoota jaha keessatti galmeesse kan kabajee yoo ta’u, Chaayinaan tajaajila hojii fi suphaa sarara kanaaf kennitu ifatti xumuree jira. Sirna magaalaa Finfinnee keessatti gaggeeffame irratti gareen Chaayinaa kun, tumsa gara fuula duraatti sarara kana irratti Itiyoophiyaa fi Jibuutii waliin taasifamu ilaalchisuun hojii daandii baabuuraa kanaa fi suphaa daandii baaburaa kanaa irratti hirmaannaan isaa xumuramuu isaa beeksiseera.

Kaampaaniin Ethio-Djibouti Standard Geej Railway jedhamu amma hojii guutuu sarara kanaa ni fudhata jedhameera. Daandii baaburaa Addis Ababa-Jibuutii jedhamuunis kan beekamu sararri baaburaa kiiloo meetira 752.7 dheeratu kun Itiyoophiyaa ulaa galaanaa hin qabne, Finfinnee irraa kaasee buufata doonii biyya ollaa Galaana Diimaa Jibuutii waliin wal qunnamsiisa.

Afrikaa Bahaa keessatti daandii baaburaa biyyoota ollaa elektirikiin hojjetu isa jalqabaa ta’ee kan ilaalamu yoo ta’u, bu’uura caasaa the Belt and Road Initiative jedhamuuf jalatti pirojektii ijoodha. Daandiin baaburaa elektirikiin hojjatu kun geejjibaa meeshaalee fe’umsaa guyyoota sadii ol fudhataa ture gara sa’aatii 20 gadiitti kan hir’isu yoo ta’u, baasii jiruusyoo xiqqaate sadii keessaa harka tokko hir’isuun Itiyoophiyaan buufata doonii daldalaa galaanaa akka argattu gargaara.

Daandiin baaburaa kun erga baatii Amajjii bara 2018 tajaajila gama imaltootaa fi fe’umsaa hojii daldalaa ifatti jalqabee as baabura imaltootaa 2,500 imala 680,000 taasisee fi baabura fe’umsaa 7,700 meeshaalee toonii miiliyoona 9.5 ergamuun daddarbuu agarsiiseera.

Forum

Tamsaasa Guyaadhaa Guyyaa

Tamsaasa Guyaadhaa Guyyaa
please wait

No media source currently available

0:00 0:29:58 0:00
More
XS
SM
MD
LG