Xurree ittiin seenan

Breaking News

Karaa Buufata Doonii Haaraa Ameerikaan Ijaarameetiin Gargaarsi Gaazaa Seenuu Jalqabe


Falasxiinonni qaama "koridoorii galaanaa" gargaarsa namoomaa Ajajni Eddugaleessaa Ameerikaa baaseen dooniiwwan humna galaanaa qarqara galaanaa jiran ilaaluun magaalaa Gaazaa keessatti jeettii bira darbaa jiru(CENTCOM) Caamsa 17, 2024
Falasxiinonni qaama "koridoorii galaanaa" gargaarsa namoomaa Ajajni Eddugaleessaa Ameerikaa baaseen dooniiwwan humna galaanaa qarqara galaanaa jiran ilaaluun magaalaa Gaazaa keessatti jeettii bira darbaa jiru(CENTCOM) Caamsa 17, 2024

Konkolaattonni fe’umsaa gargaarsa baay’ee barbaachisu kan Gaazaaf fe’an Jimaata har’a yeroo jalqabaaf buufata doonii Amerikaan haaraa ijaarame keessaan gara naannoo marfameetti deemaa jiran. Kanaaf sababaa kan ta’e, Israa’el daangaa qaxxaamuruu irratti daangaa keessee fi lola cimaan gaggeessituun kan ka’ee, nyaataa fi dhiyeessii biroo namoota achi jiran bira akka hin geenye gufachiisuu isaan ta’uun ibsameera.

Israa’el haleellaan ji’oota 7f Hamas irratti raawwatte yeroo itti fuftee, Israa’el magaalaa Raafaa kibbaa irratti dhiibbaa yeroo gochaa jirtuutti, qondaaltonni waraanaa Ameerikaa guyyaatti konkolaattota fe’umsaa 150 gara Gaazaa seenuu danda’u jedhanii tilmaaman keessaa isa jalqabaati.

Garuu Yunaaytid Isteetis fi gareewwan gargaarsaa pirojektiin buufata doonii kun akka geejjibaa lafoon kan nyaata, bishaanii fi boba’aa Gaazaa keessatti barbaachisu hunda fiduu danda’utti akka hin ilaalamne akeekkachiisu. Wal waraans dura garuu, giddu galeessaan guyyaa tokkotti konkolaattonni fe’umsaa 500 ol fe’anii Gaazaa seenaa turan.

Milkaa’inni hojii kanaa, haleellaa hidhattootaa, danqaawwan loojistikii fi hanqinni boba’aa konkolaattonni fe’umsaa seenan dabaluuf rakkoo kan ta’ee yoo ta’u, Kunis sababa uggura Israa’el Gaazaa irratti raawwatee ti.

Kunis erga Hamaas Onkoloolessa 7 Israa’el irratti haleellaa raawwateen lubbuu namoota 1,200 fi... namoota 250 biroo booji'ee fudhatee booda.

Ergasii haleellaan Israa’el gaggeessiteen lammiilee Falasxiinota kuma 35 ol Gaazaa keessatti ajjeesuu qondaaltonni fayyaa biyya keessaa kan himan yoo ta’u, namoota dhibbaan lakkaa’aman ammoo West Baankii keessatti ajjeefamaniiru.

Forum

Tamsaasa Guyaadhaa Guyyaa

Tamsaasa Guyaadhaa Guyyaa
please wait

No media source currently available

0:00 0:29:59 0:00
More
XS
SM
MD
LG