Walitti bu’iinsii hidhannoo dhiittaa mirga namoomaa dhaqqabuuf sababaa guddaa ta’u Komiishinni Mirga Namoomaa Kan Itiyoophiyaa gabaasa waggaa yeroo sadaffaaf har’a baaseen hubachisee jira. Walitti bu’iinsii hidhannoo dararaa bifa hedduu dhaqqabsiisaa jiru, dabalaa jira kan ajedhan komishiinarri komiishiina mirga namoomaa Itiyoophiyaa Dr. Daani’eel Baqqalaa kana dhaabsisuuf furmaannii ijoo fi tokkittiin marii nageenyaa gaggeessuu dha jedhan.
Dhiittaa mirga namoomaa gabaasnii kun tarreesse keessaa inni guddaan waa’ee mirga lubbuun jiraachuu akka ta’e, humnootiin wal waraanan namoota nagaa miidhuu isaanii fi kanaaf immo inni tokko isa kaan akka yakku ibsamee jira. Gama kaaniin itti gaafatama waggaa shaniif itti kennamees baatii dhufu kana kan xumuuran ta’uun ibsamee jira.
Hojii Komiishiina kana hogganuu yeroo jalqaba fudhatan waggaa shan kan marsaa tokkoo qofaaf tajaajiluuf akka ture kan ibsan Dr. Daani;eel Baqqala itti gaafatama kanatti itti fufuu akka fedhii hin qabne sagalee Amerikaaf ibsanii jiru. Af yaa’iin mana maree bakka bu’oota uummataa Obbo Taaggasaa Caafoo kan yeroo hojii isaanii xumuran Dr. Daabi’el Baqqalaa har’a gaggeessanii jiru jechuun keeneedii Abaata Finfinnee irraa gabaasee jira.
Forum