Pirezidaantiin Yunaaytid Isteetis Joo Baayiden prezidaantummaa marsaa lammaffaa akka hin barbaanne murteessuun isaanii dorgommii pirezidaantummaa bara 2024 duubatti deebisee jira.Kunis, adeemsa kaadhimamaa dhiyaatu tilmaamamuu hin dandeenyee fi jeequmsa uumuu danda’u kan seenaa Yunaaytid Isteetis isa ammayyaa keessatti walfakkeenya muraasa qabuuf sababa ta’eera.

Baayiden Dilbata kaleessaa dorgommii kana keessaa akka bahaan beeksisuun itti aantuu isaanii Kamalaa Haaris akk dorgomaniif dhiyeessa.Kunis dhiibbaa torbanneniif Miiltoowwan Paartii Dimookiraatotaa umurii fi dandeettii sammuu Baayiden ilaalchisee yaaddoo qaban ibsaa turan.

Murteen Baayiden kun kan kanaan dura hin mullanne miti. Pirezidaantonni Liindon B. Joonsan bara 1968 fi Haarii S. Tiruumaan bara 1952ttis dorgommii irra deebiin filatamuu jalqabanii booda irra dorgommii sana keessaa bahan.

Haa ta’u malee, namoonni sun lamaan marsaa filannoo keessatti baay’ee dursanii keessaa ba’uun paartileen isaanii filannoo waliigalaa irra deebi’anii akka gurmaa’anii fi tarsiimoo akka qabaatan yeroo dabalataa kenneera.

Faallaa kanaatiin, Baayiden bahuun adeemsi sagalee kennuu sadarkaa duraa erga xumuramee booda, akkasumas Konveenshinii Biyyoolessaa kan Dimookiraatota, bakka sirnaan kaadhimamuuf turan yeroo ji’a tokko hin guunne lafa hafneetti ta’e.

Kaadhimamaa pirezidaantii Yunaaytid Isteetis kamiyyuu dorgommii kana yeroo dheeraanbooda addaan kutee hin beeku jedhan Piitar Looj, piroofeesara Yunivarsiitii Joorji Waashingitan, murtee Baayiden “gutummaatti seena qabeessa” jedhan.

“Sirni siyaasaa kan Yunaaytid Isteetis akka kan addunyaa irra caalaa sana miti. Filannoon keenya dhuma hin qabu – akkasumas qaala’iinsa dhuma hin qabne,'' jedhan Looj. “Akkaataa isaan dhiheenya kana Yunaaytid Kingdam keessatti gaggeessan sana filannoo ariifachiisaa akka qabaannu nutti dhaga’ama.” Jedhan.

Kamilaa Haaris Yaa’ii Dimookiraatotaatiin Dorgommii Prezidaantummaaf Dhihaachuu Malu

Seenaa Yunaaytid Isteetis keessatti dubartii yeroo jalqabaaf bara 2021itti aantuu prezidaantii ta’an Kamala Harris paartii Dimookiraatotaa irraa pirezidaantii Ameerikaa ta’uu irratti sadarkaa olaanaa fudhachuuf kaadhimamuu danda’uu jedhamee jira.

Kana malees Haarris gurraacha Amerikaa akkasumas hidda dhalata Hindii kan qabanii fi yeroo jalqabaaf hojii olaanaa biyyattii keessatti lammaffaa irratti tajaajilanii dha.

Haadha Hindii ta’anii fi abbaa lammii Jaamaayikaa irraa kan dhalatn Kaamilaa Haaris, Kaalifoorniyaa Ooklaand keessatti dhalatan.

Yunivarsiitii Hawaard irraa eebbifamuun, Haaris bara 2004tti abbaa seeraa aanaa dubartii jalqabaa Saan Firaansiiskoo keessatti ta’an.Bara 2011tti, dubartii Gurraacha jalqabaa abbaa alangaa waliigalaa Kaalifoorniyaa ta’uun tajaajilan.

Waggoota itti aantuu pirezidaantii turan keessatti, Haaris murtii bara 1973tti murtii ulfa baasuu guutuu biyyattiitti seera qabeessa taasise Roo .v. Weed jedhamu Manni Murtii Olaanaa Yunaytid Isteetis kuffisuu isaa irratti sagalee guddaa dhageesisanii turan.