Hoogganaan Yeroofii FIFA Duraanii Isaa Hayaatuu Du’aan Boqotan

Hoogganaa Kubbaa miilaa Afiriikaa yeroo dheeraa kan turan Issaa Hayaatuu Umurii isaanii waggaa 77 tti Kamisa kaleessaa du’aan Addunyaa kanarraa boqotaniiru. Issaa Haayaatuu bara 2015 tti wayita Hooggansi FIFA Maalaanmaltummaan shakkamanii hojiirraa dhorkamanittis Itti aanaa Pieezidaantii Yeroo kan FIFA ta’uun tajaajilaniiru.

Pireezidaantiin FEdereeshinii kubbaa Miilaa Addunyaa FIFA ammaa Jiyaanii Infaantiinoo fuula miidiyaa hawwaasaa Isaanii Inistaagiraamii irratti du’aan boqochuu Pireezidaantii CAF Issaa Haayatuutti gadda guddaatu natti dhaga’ameera jedhaniiru. Hayaatuun hanga bara 2016 ttis waggoota 15 ‘f miseensa Koree Oloompikii Idil Addunyaa ta’uun tajaajilaaniiru. Hayaatuun namni lammii Kaamerruun hanga bara 2017tti turtii waggoota 29 f hoogganaa CAF ta’uun tajaajilaniiru.