Itiyoophiyaa fi Chaayinaan Maallaqoota Isaaniin Wal Irraa Bituu fi Walitti Gurguruuf Waliigalan

Itiyoophiyaa fi Chaayinaan maallaqoota biyya isaaniin walirra bituu walitti gurguruuf walii galtee raawwachuu isaanii Itiyoophiyaan beeksiifte. Chaayinaa Beejiingiti yaa’ii wal ta’insa Afiriikaa fi chaayinaa gaggeeffamaa jirurratti kan argamaniiran ministirri muummee Itiyoophiyaa Abiyyi Ahimad fuula miidiya hawwaasaa isaaniirratti kaleessa hagayya 30, bara 2016 barreeffama maxxansaniin muummicha ministira Chaayinaa Lii Kiyaang waliin wal ta’insa biyyoota lamaanii caalaatti karaalee jabeessan irratti marii taasifneerra jedhanii , biyyoota lamaan gidduutti walii galteewwan 17 mallatteessuu ibsaniiru.

Waliigalteewwaan biyyoonni lamaan waliif mallatteessa keessaa tokko biyyoonni lamaan bittaa fi gurgurtaa maallaqa biyyoota lamaaniin akka raawwatan Minisitirri Faayinaansii Itiyoophiyaa Ahimad Shidee himaniiru.