Biyya Faraansaay magaalaa Paariisitti yaa’ii teekinooloojii Artefishiyaal intelejeensii Wiixata har’aa taa’amuu jalqabe irratti hooggantoonni siyaasaa Addunyaa kanaa gurguddoodha jedhaman, hooggantoonni dhaabbilee teekinooloojii fi Saayintiistoonnii biyyoota 100 olii irrati argamaniiru. Yaa’ii kanarratti dhimmoota teekinooloojiin alattis dubbiiwwan dippiloomaasii qormaata ta’an ka’uu malus jedhame eegama.
Warra yaa’ii kanarratti hirmaataa jiran keessaa Itti aanaan Pireezidaantii Yuunaayitid Isteetisi Jee Dii Vaansi erga gara aangootti dhufee imala isaa isa jalqabaa biyya yaa’iif biyya alaatti kan imale fi Itti aanaan pireezidaantii Chaayinaa Zhaang kan irratti argaman yommuu ta’u dhaabbileen Teekinooloojii gurguddoon kanneen akka Guugil, Maayikiroosooftii fi Oppen Ee Ay “ Open AI” irratti argamaniiru. Yaa’ii kana Ministirri muummee Indiyaa Nareendiraa Moodii fi Pirezidaantiin Faraansaay Imaanu’el Maakroon waliin ta’uun gaggeessaa jiru. Yaa’iin Arteefishiyaala Intelejeensii kunis guyyoota lamaaf taa’ama.
Forum