Gamtaan Awurooppaa boba’an Raashaa Awuroopaa akka hin sennee ugguruun akka isheen duula waraanaa Yukreen irratti gaggeessituuf qabeenyaa fi maallaqa xiqqaa akka argattu taasiisa jechuun qondaallii imaammata alaa kan Gamtichaa Josep Boreel har’a ibsanii jiru.
Hogganoonnii gamtaa Awuroopaa Wiixata kaleessaa Raashaa irratti dhiibbaa gochuuf jecha, zayiita boba’a Raashaa irraa seenuu 3 keessaa harka 2 ugguruuf walii galan. Uggurri kunis zayiita booba’aa Raashaan karaa galaana irra ergiitu ittisuun kan karaa ujjummoo boba’an dhaqqaban qofa ehame.
Prezidaantiin Yukreen Volodmiir Zeleenskii Wiixata kaleessaa ganama gamtaa Awuroopaaf haasawaa dhageesisaniin, iyyata isaanii irra deebi’uun dhiyeessan.
Hogganoonni gamtaa Awurooppaa Yukreeniif Doolaara Biliyoona 10 biyyatti dinadee fi biyyatti deebisanii ijaaruuf kan ooluu kennuuf walii galan.
Walgahii guyyaa lamaaf ture kun Kibxata har’a xumuramee jira.Mariin kunis, waa’ee madda eneerjii ittisaa fi wabii nageenyaa irratti akkasumas waa’ee Yukreen irratti qiyyaafachuun gaggeessaa ture.
