Daandiin xayyaaraa Itiyoophiyaa balalii isaa guyyaa-dhaa-guyyaa kan naannoo Amaaraa, godinaa Walloo Kaabaatti argamu – magaalaa Laali-balaatti jalqabuu isaa beeksisee jira. Magaalaa Laalibalaa baatiile jahan dabraniif to’annaa Adda Bilisummaa Uummata Tigiraay jala turte.
Itti-aanaa prezidaantiin bulchiisa naannoo Amaaraa – Siyyum Xilaahun, naannoo dhiheenya raayyaa ittisaa biyyoolessaan deebisamanii qabataman deebisanii ijaaruuf carraaqqii godhamaa jiru ilaalchisee har’a gara galgalaa, maddeen oduuf kan ibsa kennuuf jiran tahuus – Asteer Misgaanaaw, Baahir Daar irraa gabaastee jirti.
