Magaalaa Darbaan kan Afrikaa keessatti namootni jandoo roobaa seenaa keessatti isa hamaa taheen baatii dabre haleelamanii, otuu miidhaa isaa irraa hin dandamatiin dhuma torban dabree irra jandoo roobaa ka biraatiin haleelaman.
Lindaa Givtaash, magaalaa Darban irraa akka gabaastetti, haleellaa jandoo hamaa baatii tokko dura magaalattii rukkuteen namoonni manaa fi qabeenyaa malee alatti hafan gara kuma toorbaa tahan. Garuu, roobni ulfaataanii fi lolaan cimaan magaalattii handaara galaanaa kana haleelee manneen mancaasee, gaaddisa yeroof namoonni keessa dahataniillee waan miidheef lakkoobsichi dabalaa jira.
Aangawoonni Kiwaazuuluu Naataal akka jedhanitti yoo xiqqaate namoota 250 tu balaa dhiheenyaa kanaan gaaddisa byeroof keessa jiraatan keessaa akka bahan taasisame.
Aangawoonni Afrikaa Kibbaa, magaalattii mancaate qulqulleessuu fi manneen manca’an deebisanii ijaaruuf doolaa Miliyoona 63 ramaduu isaanii beeksisan. Namoonni manneen isaanii dhaban garuu, yoo akka gara mana dhaabbatan keessa jiraatanitti geessaman waan itti himame akka hin jirre dubbatu.
