Lammiiwwan Tigraay keessaa qe’ee irraa buqa’an heddummaachuu isaanii fi qabeenyaan ennaa hin jiraanne kanatti, Maqalee irraa kan dhufan caasaan dargaggoota adda addaa waliin ta’uu dhaan qaamotii hawaasaa ciree fi tajaajilaawwan fakkaatan ka biroo kennanii jiru.
Gareenjiraattota Maqalee fi dhaabolii ka biroo biraa deggersa gaafatu kun baatii Fulbaana darbee qabee deggersa namoomaa kennaa ture. Miseensota ijoo ta’an keessaa lama VOAf akka ibsanitti, hanga ammaatti namoota 600 ol ta’aniif ciree kan dhiyeessan yoo ta’u kanneen keessaa 250 maanguddootaa fi harmoolii ijoollee of harkaa qaban jechuu dhaan Alam Fissahaayyee Maqalee irraa gabaasee jira.
