Dimookiraatonni kurnaa ol filannoo prezidaantummaa bara dhufu geggeessamu irratti kaadhimamaa paartii isaanii ta’anii dhihaachuuf wal-falmiin wal-gidduutti geggeessan kaleessa Ohaayootti geggeessamee jira. Qeeqa hedduu prezidaanticha Yunaayitid Isteetis – Donaald Traamp irratti ka dhiheessan wal-dorgomtoonni Dimookiraatotaa kun, dhimmoota akka tajaajila eegumsa fafyyaa fi wal-qixxummaa galii fi Siiriyaa dhaa ba’uu waraana Yunaayitid Isteetis irratti wal-dura dhaabbachuun wal-falmanii jiran.
Akka Jiim Meloon gabaasetti, wal-falmii kaleessa galgalaa irratti dhimmi ijoo ka ture, waa’ee qorannaa prezidaant Traampiin taayitaa irraa buqqisuuf geggessamuu, ka prezidaantichi mormituu isaanii – dimookiraaticha – Joo Baa’ideen irratti akka qorannaa geggeessitu Yukireeniin gaafatan, jedhu faa of keessaa qabu.
