Waa’ee deemsa dimookiraasii Amerikaa irratti qorannaa yaada uuummataa dhiheenya geggeessame irraa ba’iin argame akka agarsiisutti gaheessonni lammiwwan Ameerikaa irraa harka jaatamii jaha tahan dimookiraasiin haala yaaddessaa keessa jira, ka jedhan yoo tahu, kanneen dhibba irraa harka soddomii sadii tahan ammoo, dimookiraasiin biyyattii amansiisaa dha, jedhan.
Amajjii 6 – jechuun Boor, waggaan tokkoffaan guyyaa deggertoonni prezidaantii duraanii, ka Doonaald Traamp, “Capitol Hill” yokaan waajira mana-maree Yunaayitid Isteetis humnaan cabsanii seenuun haleellaa geggeessan yeroo dhihaatetti qorannichi geggeessame. Ba’ii qorannaa kanaa ilaalchisuun, Namoon Kooleejii Koolinsi, ka kutaa Teksaas, magaalaa Daalaas jiru keessaa ka barsiisan – Proofesar Mohammed Xaahiroo dubbisee jira.
