Gurmuun Walta’insa Biyyoota Atilaantik gama Kaabaa yokaa NATO, har’a walga’ii isaa waldura dhaabbannaan jalqabe.
Prezidaantiin Yunaayitid Isteets – Donaald Traamp, “Gamtaa Awurooppaa keessaa biyyi guddoo fi duurettiin – Jarmaniin, booji’amtuu Raashiyaa taate” jechuun qeeqan.
Har’a ganama ennaa barreessaa muummicha-NATO wajjiin walga’anitti kan kana dubbatan – Prezidaant Traamp, Jarmaniin akka Kaampaaniin Inerjii Raashiyaan ujummee isaa galaana ishee keessa dabarfatu Jarmaniin eyymamuu balaaleffatan.
“Jarmaniin karaa irraa baatee, waggatti biliyoona hedduu Raashiyaadhaaf baafti.” Jedhan – Traamp.
Chaansilarittiin Jarmany – Angelaa Merkel immoo, booda deebii kennaniin, “to’annaa Raashiyaa jala jiraachuun maal akka tahe ijoollummaa kiyya irraa jalqabeen beeka. Garuu, dhimma Inerjii irratti Raashiyaa waliin walii-galtee qabaachuun, jaarraa 21ffaa kana keessatti, Jarmanii boojuu Raashiyaa hin taasisu” jedhan.
