Barcuuma mana murtii mummichaaf kan maqaa dhahaman Ketaanjii Braawun Jaaksan Kibxata har’a koree seeraa kan seeneeta Yunaaytid steetes fuula duratti dhiyaachuun gaaffii fi deebii gaggeessuuf jiru.
Seera tuumtonni kun tokko tokkoon isaanii Jaaksamiif gaaffii dhiyeessuuf daqiiqaa 30 kan qaban yoo ta’u, guyyaa qabameef 4 keessaa kun kan guyyaa lammataa fi ganamaa qabee hanga galgalaa tura jedhamee eegama.
Mana murtii ol iyyannoo Yunaaytid isteetes kan dame waashiingtan Dii Sii(DC) keessaa murteessitu kan ta’an Jaakson, dubartii gurraatti kan jalqabaa, akkasumas gurraachoota barcuuma mana murtii sadarkaa olaanaa Amerikaaf maqaa dhahaman keessaa immo sadaffaa ta’u isaanti.
