Keniyaa keessa kan jiru Embaasiin Faransaayii lammiwwan biyyoota gama dhiyaaf akeekkachiisa of-eegannoo labsee jira. Dhuma torban kanaa irratti lafa lammiwwan biyya alaa itti walitti qabaman kan akka Hoteelaa, galma daldalaa gurguddoo keessumaa kanneen Naayrobii keessaa akka hin dhaqnee gaafatee jira.
Embaasiin Jarmanii gamas jiruus, lammiwwan isaa akka of eegannoo godhan akeekkachiise.Polisiin Keniyaa akka jedhutti, akeekkachiisa shoroorkaa kennamee argineerra, kanaaf eegumsa jabeessiina jedhee jira.
Angawoonni Keniyaa gama isaaniin, haleellaa shoroorkeessootaa karoorfame kanaaf deebii kennuuf jecha, humnootii nageenyaa lakkoobsaan ga’o bobbaafnee jirra jedhan.
