Somaaliyaa keessatti caamaa fi beelli ammaan dura argamee hin beekne, uummata kumaatamaan lakkaa’aman gargaarsa argachuuf jecha gara biyya ollaa taatee Keeniyaatti akka baqatan taasisaa jira. Gareeleen gargaarsaa akka jedhanitti, baqattoonni mooraa Dadaab kan Keeniyaa keessatti baay’achuun isaanii qabeenya kaampii Sanaa kan duraanuu akka malee namaan guutame jiru daran hanqiise.
Raahoo Aliin reefu Somaaliyaa irraa ijoollee ishee afur waliin naannoo daangaa Keeniyaa kaabaa magaalaa Dadaab keessa kan jiru dhaaba baqattootaa kan Tokkummaaa Mootummootaa (UNHCR) dhaqqabde
Haati ijoollee torbaa fi kan umriin 45 kun akka jettuutti, caamnii hamaan Somaaliyaa mudate akka isheen baqattee gargaarsa barbaacha gara Keeniyaatti akka deemtu ishee kakaasuu isaa dubbatti.
Ijoolleen ishee sadii imala hamaa kana irra osoo jiranii haleellaa qawwee isaan irratti banameen eessa butee isaanii kan dhabde yoo ta’u, ammallee bakka isaan jiran hin arganne.
Namoota sababaa caamaan keniyaatti haaraa godaanaa jiran kuma kurna hedduu keessaa haatii ijoollee kun tokko.UNHCR baatilee isaan dhiyeenya kanaaa keessa namoota kuma 80 galmeessuu isaa dubbata.
Forum