Humni waraanaa Israa’eel Kibxata har’aa akka beeksiisetti Iraanirraa misaa’eeloonni gara Israa’eeliitti furgiggifamuu ibsee jiraattoonni bakka daa’annoo dhohinsa boombii jala akka dhokatan ajajeera. Guutummaa biyyattiittis sagaleen akeekkachiisa saayiranii akka dhaga’amau taasifameera. sagaleewwan dhohinsaa foddaawwan sochoosan naannoo tel-aviivii fi jeruusaleemitti kan dhaga’aman yommuu ta’u bakkoota misaa’eeloonni kun bu’anittii fi humni waraanaa israa’eel hangama akka ofirraa qolaterratti ammatti ifatti waanti jedhame hin jiru.
Dubbii himaan humna waraanaa Israa’eel Riir Amdiraal Daani’eel Hagari meeshaaleen ittisaa biyyattii guutummaatti hojjechaa akka jiran ibsanii halleellaa irratti raawwatame kanas qolachaa akka jiran ergaa bilbilaan teleevizhiyoona biyyaaleessaa irratti dubbataniin ibsaniiru. Miidiyaaleen iraan viidiyoowwan misaa’eeloota iraan irraa gara israa’eetti furguggifamanii agarsiisaa kan jiran yommuu ta’u,dhimma haleellaa kanaa ilaalchisuun mootummaa Iraanirraa battalatti ibsi kenname hin jiru.
Forum