Xurree ittiin seenan

Breaking News

Mormiin Sudaan Keessaa Itti Fufee Jira 


Mormii Sudaan keessatti Bitootessa 2022

Dilbata darbe magaalaa galma mootummaa Sudaan Kaartum keessatti namoonni kumaatamaan lakkaa’aman daandii irratti bahuun, hiriira Kamisa dabree irratti waraana biyyattii bulchaa jiru ajjeechaa namoota sagal irratti gaggeesse kan ilaaleen mormii dhageessisaniiru.

Koreen Doktoroota Sudaan kan mormii gaggeeffamee irraa miidhaa dhaqqabe hordofu, namoota miidhaman keessaa tokko daa'ima ta'uu ibseera.

Konkolaattonni sibiila uffatan mormitoota irratti gaazii imimmaansuu dhukaasaa kan dhukaasaa turan yoo ta’u kunis warra dhagaa itti darbachaa turanirratti ture. Hiriirtonnis gaachana muka irraa hojjatataniin of irraa ittisaa turan.

Mormitoonni bulchiinsii jeneraalotaa akka dhaabbatu gaafachaa jiru.Gara bulchiinsa siiviilii deebisuu fi fonqolcha mootummaa waraanaa xumursisuuf akkasumas ejjennoo keenya irratti cicha qabaachu ibsuuf as jirra jedhu.

Akka ejjeennaa keenyaa tti aangoo waliif qooduun, mariin gaggeessuun fi arara buusuu otoo hin taanee, waraanni deemuu qaba. Gara mooraa waraanaa isaaniitti deebi’anii mootummaa siiviilii deebisuu feena.

Booda irra hiriirtonni kun gara hospitaala al-Jawdaa lafa mormitoonni miidhaman itti yaalamaa jiran dhaquun ala ta’a turan.

Ameerikaa fi biyyoonni biroo hokkara Sudaan keessatti uumame balaaleffataniiru.

Angawoonni waraanaa Sudaan humna lubbuu galaafatuun gidduu seenuun ergasii daa'imman 18 dabalatee namoonni 113 ajjeesaniiru.

XS
SM
MD
LG