Waliigaltee Araaraa Pritooriyaa Dura Balaan Dhaabatee Jira, Jedha Gabaasaan Qaama Hordoffii Tokko  

Gamtaan dhaabbilee Siiviilii Afirikaa gabaasa baaseen walii galteen nagaa Piriitoriyaatti Mootummaa Itiyoophiyaa fi humnoota Adda bilisa baasaa Uummata Tigiraay gidduutti erga taasifameen booda ammayyuu waantoonni qaawwaa uuman jirachuu ifoomse.

Kunis ammayyuu walii galtichi hojiirra oolmaan isaa guutuu miti kan jedhuunidha. Akka Gabaasichaatti humnoonni waraanaa Eritiriyaa ammayyuu Naannoo Tigiraay keessa jiraachuu adda baasuu isaa akkasumas dhimmoonni lixaa fi Kibba Tigiraay osoo hin furamiin waan jiraniif humnoonni Amhaaraa ammayyuu naannicha qabatanii waan jiraaniif kanneen qe’ee isaaniirraa buqqa’aniiran gara qe’ee isaaniitti akka hin deebines eereera.

Gamtaa dhaabbilee Siviilii Afiriikaatti Daayireektara kan ta’an Dismaas Kundaa sagalee Ameerikaatti akka himanitti walii galtee Piriitooriyaa hojiirra oolchuuf ammayyuu rakkoon bal’aan jiraachuu ibsanii mootummaan Itiyoophiyaa humnoonni Eriitiriyaa naannicha gadhiisanii akka ba’an taasiisuu qaba.

Kana malees Gamtaan Afiriikaas walii galtee nageenyaa seenaa qabeessa kana hojiirra akka ooluuf hordofuu qaba jedhaniiru jechuun Finfinneerraa Gabiremikaa’eel Gebiremedhiinitu gaabase.