Dura taa’aan Gamtaa Afiriikaa Muusaa Fakii Mahaammat hooggantoonni biyyoota lamaanii gochaa itti gaafatamummaa barbaachisaa ta’e irra ga’an akka simatan himanii walii galchitti karaa biyyota lamaaniiyyuu hojiitti hiikamuuf lafarra akka hin harkifanne jechuun gaafataniiru. Haaluma wal fakkatuun IGADI’s walii galtee biyyoonni lamaan irra ga’an akka simatu ibseera. Hoogganaan IGAD Warqineeh Gabayyoo walii galteen Ankaraa kun biyyoota Obboloota lamaan gidduutti hariiroo hawwaasummaa ture daran jabeessuuf tarkaanfii kan fudhatu yommuu ta’u, dhimmoota isaanii karaa nagaa hiikuu irrattis kutannoo jiru agarsiisa jedhaniiru.
Walii galtee Somaaliyaa fi Itiyoophiyaan gidduu seentummaa Tarkiin taasiisaniin abbaa biyyummaa, tokkummaa fi walabummaa daangaa walii akka kabajan waliif galaniiru. Akkasumas Itiyoophiyaan aangoo abbaa biyyummaa mootummaa Federaalaa Somaaliyaa jalatti hulaa galaanaa akka argattuu waliin akka hojjetan irratti waliif galaniiru.
Forum